Gövhər Hüseynəliyeva Elnur qızı. Babək rayon Məzrə kənd tam orta məktəbinin məzunudur. Təhsil aldığı müddətdə bir çox sərgilərdə iştirak etmişdir. 2023-cü ildə Naxçıvan Musiqi Kollecinin Rəngkarlıq ixtisasına qəbul olunmuşdur. Hal-hazırda həmin kollecin 3-cü kurs tələbəsidir. Nailiyyət və mükafatlar: 2022-ci il – Naxçıvan Muxtar Respublikası Rəssamlar Birliyinin B. Kəngərli adına Sərgi Salonunda keçirilən “İRS – Mənim yay tətilim” adlı ənənəvi uşaq sərgisində iştirakına görə təşəkkürnamə. 2022-ci il – Naxçıvan MR Mədəniyyət Nazirliyi tərəfindən keçirilən “Milli dəyərlərimiz ornamentlərdə” adlı rəsm müsabiqəsinin I yer qalibi. 2022-ci il – Naxçıvan MR Mədəniyyət Nazirliyinin təşkilatçılığı ilə keçirilən “Əl işləri” sərgi-müsabiqəsinin I yer qalibi. 2023-cü il – Azərbaycan Respublikası Naxçıvan MR Mədəniyyət Nazirliyinin təşkilatçılığı ilə Ümummilli Lider Heydər Əliyevin 100 illik yubileyinə həsr olunmuş rəsm müsabiqəsinin I yer qalibi. 2023-cü il – Babək rayon Təhsil şöbəsinin təşkilatçılığı ilə Ümummilli Lider Heydər Əliyevin 100 illiyi ilə əlaqədar Babək rayon ümumtəhsil məktəblərinin şagirdləri arasında keçirilən rəsm müsabiqəsinin I yer qalibi. 2023-cü il – Babək rayon Təhsil şöbəsi tərəfindən, 26 fevral Xocalı soyqırımının 31-ci ildönümünə həsr olunmuş “Qanla yazılan tariximiz” mövzusunda keçirilən rəsm müsabiqəsinin I yer qalibi. 2023-cü il – Mədəniyyət Nazirliyi Naxçıvan Dövlət Rəsm Qalereyasında keçirilən “Rəssamların fırçasında əbədiləşən diyar – Naxçıvan” adlı rəsm müsabiqəsinin II yer qalibi. 2023-cü il – Naxçıvan Dövlət Rəsm Qalereyasında keçirilən “Rəssamların fırçasında əbədiləşən diyar – Naxçıvan” adlı rəsm müsabiqəsində fəal iştirakına görə Fəxri fərman ilə təltif olunmuşdur. 2026- cı ilde 02 fevral gənclər gününe həsr olunan "gələcək bizimlə gələcək" adlı sərgidə iştirak etmişdir. Naxçıvan MR Rəssamlar Birliyinin Gənc rəssamlar şöbəsinin üzvüdür. Naxçıvan MR-da keçirilen bir çox sərgi və müsabiqələrdə iştirak etmişdir.